Што жыхары Глыбокага думаюць пра помнік камсамолу

Помнік у гонар стагоддзя камсамола быў усталяваны каля гарадскога Дома культуры перад самым Новым годам.

Яго ўрачыстае адкрыццё адбылося 28 снежня мінулага года. На думку тых, хто ініцыяваў яго ўстаноўку, гэта стэла павінна нагадваць пра слаўныя старонкі гісторыі гэтай арганізацыі.

Але не ўсе ў горадзе лічаць, што гэта арганізацыя вартая таго, каб яе ўшаноўваць у помніках. Прыводзім меркаванні жыхароў Глыбокага з сацыяльнай сеткі УКантакце.

Вядома, пры ўстаноўцы розных помнікаў і памятных знакаў у нас не прынята прыслухоўвацца да меркавання жыхароў. Маўляў, не ваша гэта справа. Тым не менш, бюджэт раёна, як і бюджэт дзяржавы складаецца з падаткаў, які плацім усе мы. То можа ўжо пара змяніць сваё стаўленне да меркавання людзей?